Á þriðjudaginn kemur ætlum við að gera okkur glaðan dag saman með tónlist í garðinum, grilli í hádeginu, bíó í salnum ofl. Með þessu móti ætlum við að kveðja alla þá sem koma til með að hætta hjá okkur í sumar eða haust. Það verður sem sagt stanslaus gleði í bænum á þriðjudaginn kemur.

Í dag, 9. júní, var haldið upp á það að hún Doja okkar á 10 ára útskriftar- og starfsafmæli. Nú hefur hún formlega bæst í hóp mublanna á Dvergasteini.
Innilega til hamingju með þennan merka áfanga elsku Doja.
 

Þann 27. maí kom hópur kennara frá samstarfslöndum okkar í heimsókn og voru með okkur til 31. maí. Það komu alls þrettán kennarar frá Ungverjalandi og Belgíu (flæmska og franska hluta). Hópurinn eyddi fimmtudeginum hjá okkur á Dvergasteini, börn og fullorðnir tóku vel á móti þeim í salnum með söng. Eftir samveru á sal skoðuðu þau skólann og fylgdust með starfinu inni á deild. Eftir hádegi fórum við í heimsókn í Myndlistaskólann í Reykjavík og Vesturbæjarskóla, þar sem við fengum leiðsögn um skólana.

Í dag 14. maí kom langamma hans Arnars á Álfheimum til okkar með rokkinn sinn. Hún kom með ull og fræddi okku mikið um það hvernig ullin var unnin í gamladaga, þegar hún var lítil stelpa í sveitinni. Hún hreinsaði ullina, kembdi hana og spann hana svo í band. Þetta var virkilega skemmtileg uppákoma og kunnum við ömmu Sillu bestu þakkir fyrir komuna.